O‘zbekistonning BAAdagi yangi elchisi mamlakat Tashqi ishlar vaziri o‘rinbosari Umar Ubayd al-Shamsiyga ishonch yorliqlarining nusxasini topshirdi.

Uchrashuvda ikki mamlakat o‘rtasida siyosiy, savdo-iqtisodiy va madaniy-gumanitar sohalardagi hamkorlik munosabatlarining holati hamda istiqbollari ko‘rib chiqildi.

Umar al-Shamsiy O‘zbekistonning yangi elchisiga o‘z vazifalarini bajarishda muvaffaqiyatlar tiladi hamda BAA va O‘zbekiston o‘rtasidagi munosabatlarni barcha sohalarda kengaytirishga tayyorligini ta’kidladi.

Yangi elchi O‘zbekiston va BAA o‘rtasidagi an’anaviy do‘stona munosabatlarni yanada mustahkamlash uchun barcha sa’y-harakatlarini amalga oshirishini ta’kidladi.